23
апрель
2020
МАҚАШЕВА ЖАНАТ АЛДАБЕРДІҚЫЗЫ
1974 жылы Сарысу ауданы Саудакент ауылына (бұрынғы Байқадам ауылы) дүниеге келген. 1991 жылы Байқадам қазақ орта мектебін күміс медальмен бітірген. 1996 жылы Түркістан қаласындағы Қ.А.Яссауи атындағы Халықаралық Қазақ-түрік университетінің философия және араб тілі факультетін үздік дипломмен аяқтап, философ-дін танушы және араб тілінің оқытушысы мамандығын алып шығады. Сол жылы Түркияның Анкара қаласындағы Гази университетінің Ислам құқығы бөліміндегі магистратурасына түсіп, магистр атағын алады.Одан кейін осы оқу орнында докторантурада білімін жалғастыра жүріп, теология (діни ілім) саласы бойынша Мұхаммед Сараксидің араб тілінде жазылған ғылыми еңбектерін зерттеумен шұғылданады. 2005 жылы «XI ғасырда Орта Азияда өмір сүрген ұлы ойшыл Мұхаммед Сараксидің еңбегіне негізделген сол замандағы саяси-қоғамдық және мәдени ахуал туралы» тақырыбында диссертация қорғап, философия ғылымының докторы атанды. Сонымен қатар ол қазақ тілінен түрік тіліне аударылған бірнеше кітатың авторы.
1999-2002 жылдары Түркиядағы Қазақстан жастарының «Желмая» атты қоғамдық-мәдени, ғылыми журналының жауапты хатшысы болды.
Ж.Алдабердіқызы қазіргі кезде Анкара қаласында тұрады. Ғылыми еңбекпен айналысады. Жолдасы кардио-хирург Байтөреев Бауыржан екеуі 2 бала тәрбиелеп отыр.