Мектебімізде «Шерхан оқулары» атты жас оқырмандар байқауы өтті.

Байқадам Қашқынбаев атындағы орта мектебінің кітапханашысы Алашбаева Ләззаттың ұйымдастыруымен «Шерхан оқулары» тақырыбында жас оқырмандар байқауын өткізді. Шерхан Мұртазаның шығармашылығы мен қайраткерлік болмысы – бүгінгі ұрпақты рухани азықтандырып, тұлғалық қалыптасуына мүмкіндік береді. Осыған орай 5-7 сынып оқушылары арасында «Шерхан Мұртаза оқулары» байқауы болып өтті.«Тіршілікті тірілтіп тұрған - мейірімділік», - деп халқының тағдырына алаңдап, ұлтын мейірімді болуға шақырған Шерхан Мұртаза шығармашылығының арнасы кең, өскелең ұрпақты ұлттық рухта тәрбиелеудегі маңызы зор. Мектепішілік деңгейде өткізіліп жатқан байқауға оқушылардың ынтасы мықты. Оған 15-ке жуық оқушылары қатысты.Байқау төрт бағыт бойынша өтті. Жазушының повестері бойынша сұрақтарға жауап беріп, шығармаларынан үзінділер оқыды. Сондай-ақ, заңғар тұлғаға өздерінің арнау өлеңдерін оқыды. Одан соң қатысушылар «Шерхан Мұртаза мұрасы» тақырыбында ғылыми жобалар қорғады. Әр бағыт бойынша тағайындалған қазылар алқасы шешім шығарып,жеңімпаздарды марапаттады.