Мектепте " Ата - аналардың бала тәрбиесіндегі рөлі" атты конференция болып өтті.

Б.Қашқынбаев  атындағы  орта мектебінде  директордың  тәрбие ісі  жөніндегі орынбасары  Сыздықова  Гүлзипа Тұрғынбайқызының  ұйымдастыруымен  " Ата - аналардың  бала тәрбиесіндегі  рөлі"  тақырыбында конференция өткізілді.  Конференцияда   директордың оқу ісі жөніндегі орынбасары Сейтқазиев Жанат  1 оқу тоқсанының қорытындысымен  ата - аналарды таныстырды және оқушылардың  жетістіктеріне де тоқталды.   Қонаққа  шақырылған  аудандық  СЭС маманы  мен бірге  эпдемиолог  балаларға салынуы тиіс Pfizer вакцинасы жайлы толық ақпарат беріп, ата - аналардың  балаларды вакцинациялау  тек өздерінің  рұқсатымен болатынын  ескертіп өтті. Мектеп психологы Бегаулова Айгүл  " Кибербуллингтің алдын алу" тақырыбында  түсіндіру  жұмысын жүргізді. Сонымен қатар  іс- шараның соңында  мектеп директоры  Л. Нурмаханова  мектеп өміріне белсенді атсалысып, мектеппен тығыз байланыс орната білген   ата - аналарды  Алғыс хаттармен марапаттады.