Байқадам Қашқынбаев атындағы орта мектебі бойынша «Балалар жылы» аясында «Тәрбие басы-Отбасы» тақырыбында өткізілген кездесу өтті.

Байқадам Қашқынбаев атындағы орта мектебі бойынша «Балалар жылы» аясында «Тәрбие басы-Отбасы» тақырыбында өткізілген кездесу туралы

Анықтама

Мерзімі: 13.04.2022жыл

Мақсаты: Отбасы құндылықтарын насихаттау

 Байқадам Қашқынбаев атындағы орта мектебі бойынша "Балалар жылына" орай  сәуір айның он үші күні  Байқадам ауылдық окугінің әкімі Назарбеков Амантай Қалдыбайұлымен "Отбасы-тәрбие басы" тақырыбында  8-11 сынып оқушылармен  кездесу өткізілді. Кездесудің мақсаты Отбасы құндылықтарын насихаттай отырып,өскелең ұрпақтың рухани тәрбиесін қалыптастыру, жасөспірімдер арасындағы құқық бұзушылықтың алдын алу. Қонаққа келген ауыл әкімі  Амантай Қалдыбайұлы: «Отбасы- шағын мемлекет». Кез-келген мемлекеттің өзіндік ұстанымы, бағыт-бағдар құндылықтары болады. Отбасы да осындай құндылықтарға негізделген «мемлекет» болса ғана тамыры тереңге жайылған әулетке айналмақ. Отбасының басты қызметі баланы тәрбиелеу. Отбасы тәрбиесі – бұл жалпы тәрбиенің ең басты бөлігі. Ата-ана және отбасы мүшелері жас нәресте дүниеге келген күннен бастап, оның өміріне қамқорлық жасап, болашағын жоспарлайды және саналы азамат болып өсуі үшін қажет жағдай жасайды. Бұған баланың қажеттігін толық қанағаттандыру, оны дене және ой еңбегіне үйрету, күн тәртібін дұрыс реттеуге , салауатты өмір сүруге, адал болуға тәрбиелеу, жақсылықты үйретуге, жамандықтан жиренуге үйрету, бойында жастайынан мәдени құндылықтар мен адамгершілік қасиеттерді қалыптастыру жатады. Осындай тәлім тәрбие беріп өсірген балалар ата-ана сенімін ақтауға міндетті. Ал қәзіргі жастар құқықбұзушылыққа жол беріп, ата-ана үмітіне секем келтіруде. Бұның бірден бір дәлелі:  қоғамда белең алып жатқан келеңсіз оқыс оқиғалармен жасөспірімдер арасындағы туындап отырған қылмыстар. Жасөспірімдер арасында туындаған қылмыстарды болдырмау үшін, жастайынан отбасында алған тәрбиені дұрыс сіңіре білу керек деп оқушыларға ақыл кеңесін айтып,пікірлер алмасты. Оқушылар  көкейінде жүрген сұрақтарды қойып, тұшымды жауаптар алды.