Жамбыл облысы әкімдігінің білім басқармасының оқу-әдістемелік орталығы жанындағы  Сараптамалық кеңестің 2025 жылғы 9 маусымдағы "Инновациялық педагогикалық тәжірибені облыс көлемінде тарату туралы" бұйрығын басшылыққа ала отырып Байқадам Қашқынбаев атындағы орта мектебінің педагогтары Нұртазаев Бекболат Ердешбаевич, Кушмамбетова Сандуғаш Абилахатовна,  Естесова Райля Рахметуллаевна өздерінің іс-тәжірбиелерімен бөлісті.

Байқадам Қашқынбаев атындағы орта мектебінде Ұлы жеңістің  80 жылдық мерейтойына  арналған "Сапта жүріп ән айту" байқауы өтті.  Мақсаты – жастар арасында патриоттық рухты көтеру, әскери тәртіп пен ұйымшылдықты қалыптастыру, музыкалық өнер мен саптық машықты үйлестіре отырып, Отанға деген сүйіспеншілікті арттыру. Бұл байқау әскери-патриоттық тәрбиенің бір түрі ретінде өткізіліп, жастардың топпен жұмыс істеу дағдысын, тәртіпке бағынуын және шығармашылық қабілеттерін дамытуды көздейді.

Сәуір айының 29 күні "Ұлы жеңіске -80 жыл" толуына орай "Ұмытпаймыз ешқашан " тақырыбында мектебіміздің 5"А" және 5"Ә" сынып оқушыларымен Ергаш Ұлбике мен Оразбаева Жаннұр  сынып сағатын өткізді. Осыған байланысты "Ұмытпаймыз ешқашан" тақырыбы — соғыс жылдарын, батырлардың ерлігін, тыл еңбеккерлерінің жанқиярлық еңбегін ұрпаққа жеткізудің маңызды жолы.Соғыс жылдары: 1941 жылдың 22 маусымы – Германия Кеңес Одағына тұтқиылдан шабуыл жасады. 1945 жылдың 9 мамыры – фашизмге қарсы Жеңіс күні.

Кәмелетке толмағандар арасында экстремизм мен терроризмнің алдын алу жөніндегі 2024-2026 жылдарға арналған Жол картасын орындау мақсатында теолог мамандарымен кездесу өткізіліп, “Діни сауаттылық – қоғамның тұрақты даму негізі”атты тақырыптағы 8 – 10 сынып оқушыларынан түсіндірме жұмыстары жүргізілді. 

9-сынып оқушыларына діни экстремизм мен терроризмнің зардаптарын түсіндіру мақсатында дөңгелек үстел өткізілді. Оқушылар толықтай қатыстырылды.